News in english

Nřr og ÷flugur sjˇ­ur

Við úthlutun hljóta metnaðarfyllri og yfirgripsmeiri verkefni forgang. Einnig er tilgangur sjóðsins að veita fjárstuðning við nýsköpun verka til flutnings í miðlum RÚV.

Stjórn sjóðsins skipa þrír aðilar; Útvarpsstjóri sem er fulltrúi RÚV, auk aðila úr Félagi tónskálda og textahöfunda og Tónskáldafélagi Íslands. STEF tilnefnir seinni stjórnarmeðlimina tvo. Úthlutað er úr sjóðnum þrisvar á ári og fer fyrsta úthlutun hins sameinaða sjóðs fram í maí og skulu umsóknir berast stjórn sjóðsins eigi síðar en 7. maí 2017.

Sótt er um í gegnum umsóknargátt: www.ruv.is/tonskaldasjodur.

Að undirskrift komu þau Magnús Geir Þórðarson, útvarpsstjóri, Guðrún Björk Bjarnadóttir framkvæmdastjóri STEFs, Þórunn Gréta Sigurðardóttir formaður TÍ og Jakob Frímann Magnússon, formaður FTT.

Magnús Geir, útvarpsstjóri:

„Að undanförnu höfum við hjá RÚV aukið áherslu á innlent menningarefni í dagskrá okkar. Auk miðlunar og rýni menningar og lista í landinu, þá viljum við vera virkt jákvætt hreyfiafl og stuðla að frumsköpun í listalífinu. Það er því ánægjulegt að hafa, með stofnun þessa nýja sjóðs, fest stuðning RÚV og STEFs í sessi, þannig að tónlistarfólk geti áfram reytt sig á stuðning úr þessari átt."

Guðrún Björk Bjarnadóttir, frkvstj. STEFs:

„STEF hefur átt afar farsælt samstarf við RÚV allt frá stofnárum STEFs. Tónskáldasjóður RÚV hefur verið mikilvægur hluti þess samstarfs. Með sameiningu sjóðsins við sjóð þann sem nefndur hefur verið Tónskáldasjóður Rásar 2, sem STEF hefur rekið, myndast nýr öflugur sjóður sem á enn betur eftir að geta stutt við tónsköpun allra tegunda tónlistar."

Þórunn Gréta Sigurðardóttir, formaður TÍ:

„Tónskáldasjóður RÚV hefur frá stofnun verið hornsteinn styrkjaumhverfis tónskálda og tónlistarlífsins í heild. Við vinnslu stofnsamþykktar og sameiningar hans við Tónskáldasjóð Rásar 2, hefur verið horft til þess framar öðru að hann haldi þeirri sérstöðu sinni að vera beinn stuðningur við nýsköpun íslenskrar tónlistar með áherslu á framsækni og fagmennsku."

Jakob Frímann Magnússon, formaður FTT:

„Þessi dagur markar vatnaskil í umhverfi tónskálda og textahöfunda. Að þessu hefur verið stefnt um árabil og því verður 3. apríl minnst sem gleðidags í okkar röðum."